Subj:

Beqir Sina

Ruajtës i denjë i traditës familjare

Në gjurmët e Janko Ll. Palit, vazhdon rrugën e tij i biri, Petraq J. Pali

NEW YORK NY: Ka shumë gjasa që lëvizja Qeparotase në Mërgim, me vullnetin dhe kontributin e tyre, të ngrenë një Shtëpi Muze kushtuar figurave të shquara të kësaj, krahine. Në vazhdën e hulumtimeve mbi Qeparoin, një vend të rëndësishëm zë edhe veprimtaria e kontributi i madh që po jep biri i këtij fshati, fëmija i dytë, i Janko Ll. Palit “Mësues i Merituar”, Petraq J. Pali.

Petraqi është i lindur në Qeparo të Himarës në vitin 1944, kryen shkollën 7 vjeçare në fshat, largohet për studime, në disa shkolla të mesme, si në Politeknikumin Mjekësor Tiranë, në Shkollën Pedagogjike "J. Minga" në Vlorë, në Gjimnazin "Spiro Gjikenuri" e tjera. Në Himarë, sipas kujtimeve të bashkëmoshatarëve, ai nga zhdërvjelltësia dhe e rrëmbyer nga aventurat e moshës, në rini, bëri që këto shkolla të ishin të cunguara.

Mbasi, kryen shërbimin ushtarak, sistemohet në pune në Drejtorinë e Ujrave në Vlorë, përfundon shkollën teknike, pa shkëputje nga puna, përfundon edhe gjimnazin, dhe punon për 27 vjet resht po në këtë ndërmarrje, me detyrën e përgjegjësit të sektorit, deri sa nga vitet 91, në valën e madhe të emigrimit, emigroi nga të parët, si shumë shqiptarë në shtetin fqinjë, Greqinë. Në kujtimet, e bashkëmoshatarëve të tij thuhet se: qysh në rininë e tij Petraqi, kishte pasion për letërsinë, ai recitonte bukur, dhe hartimet e tij nëpër shkolla të mesme, kishin vlera.

Duke ndjekur, krijimtarinë e kohëve të fundit mëson se ai shpërtheu në emigracion, ku siç thotë ai "Pikërisht, atëherë kur malli për vendlindje e për miq e shokë më mundonte, dhe njëherësh të filloi të shkruante shumë poezi e rrëfenja nga vendlindja dhe jeta në mërgim, si dhe kujtime nostalgjike"

Në këtë kuadër shpërthimi i Petraqit, është premtues, ai ka botuar katër vëllime poetike me mbi 330 e ca faqe sejcila, si librin "Jam Larg" dhe "Një tufë vjersha qeparotasve", “Bronx përmbi Stërkalë”, “Eci nëpër vite”, vëllime këto, që patën jehonë në krahinën e Himarës dhe më gjerë.

Gjithashtu, ai po bënë gati per botim një cikël të titulluar “Malli im”, si dhe një Portret të emigrantit “Selim Lala" transmetuar tek Radio Tirana, dhe radio Sofja në "Emisionin për Shqiptarët jashtë Atdheut. Është duke përfunduar novelën "Refugjatët" që është hedhur në vebfaqet shqiptare në internet, po ashtu rrëfenja "Mysafirët, reliket dhe im atë", “Gjëma e madhe”, “mëmë Shulla”, “Në mulli”, “Marika” “Kallogreja”, “Aventura për dollarë”, “Vashëria e Sofikes” etj ka botuar disa artikuj në gazetën "Shekulli", "ILIRIA" Gazeta e Athinës", “Koha Jone” etj.

Duke ndjekur aktivitetin e tij, ai të shfaqet edhe korrespondent i Radio Sofjes, prej dymbëdhjetë vjetësh. Mban të hapur dhe është drejtor organizativ i Gazetës Himara, në internet, është krijues i “Lidhjes Qeparotase dhe miqtë e saj” në Internet si moderator i saj.

Është antar i lidhjes Shqiptare të Amerikës në 33 krijuesit e parë të kësaj shoqate dhe aktualisht sot me detyrën e sekretarit të kësaj shoqate. Ka fituar çmimin “Pena e arte” për librin e tij “Vise dhe njerëz Perëndie” duke u rizgjedhur sërish në kryesinë e re.

Ka botuar artikuj të ndryshëm në gazetën “Koha Jonë”, “Shekulli”, “Panorama”, gazeta e Athinës, “Illyria” etj.

Petraqi, shquhet gjithmonë për një punë të madhe artistike, mjeshtërore, me mençuri e maturi, që ka bërë e po bënë në prezantimin e veprës së të atit të tij, “Janko Ll. PALIT, “Mësues i Merituar”. Nëpër faqet e internetit, e të gazetave, ku ka marrë shumë vlerësime dhe përshtypje nga lexues, shkrimtarë, gazetarë, dhe ka botuar tre vëllime të atit të tij., "Historiku i Qeparoit" si dhe vëllimin e zgjedhur poetik "Afër fundit ç’po shikoj" dhe “Monografinë “Feniksi i Himarës” për Artistin e Popullit Neço MUKO. Një gjë është në natyrën e Petraqit se gjithë këtë material, këto vëllime i ka dhuruar në masën qind përqind, pa asnjë shpërblim në kujtim të prindërve të tij, për të përkujtuar veprën e Janko PALIT.

E gjithë kjo veprimtari e Petraq J Pali, duket si një vazhdimësi e rrugës së ndritur që ndoqi i ati i tij, eruditi i Qeparoit, “Mësuesi i Merituar Janko Ll. Pali”.

Libra të autorit”

“Jam Larg” Poema emigrantit, Dita 2000

“Një tufe vjersha qeparotasve”, vëllim poetik Dita 2001

“Bronx përmbi Stërkalë”, serenata dhe këngë Albin 2003

“Eci nëpër vite”, vëllim poetik, Albin 2004

“Vise dhe njerëz perëndie”, një prozë vëllim publicistik, Albin 2005

“Gjëma e madhe”, novela e tregime, Albin 2005

Nga Nju Jork (SHBA) Beqir Sina